Suifir,Vawlei fir Taung Okalapah I Inn Ngeitu Chunkhar Ttih Nung Ngai Mi An Si Ning

Aluan cia kum kul ahkhan Ttawng okalapah ah nuva le an fanu pakhat chungkhar hna an um. Thilri tampi an ngei an rum ko nain pektthanh zia an thiam lo. Thilttha tuah an theih lo pin ah an tuah sernak zong ah an dik lo ngaingai. A nu le pa cu facang an zuar i,an fanu cu suidawr tuah mi a si. Facang zuat ding in a cawk tikah pikhat ahlei mi pung in a tah i a zuar tthan tik ahcun pikhat zording mi pung in a zuar.

An fanu zong nih sui zuar ding in a cawk tikah chiti in ciah mi zuaiseh timi talh in a thlai ter hna i a zuar tthan tikah chiti ciah llo mi zuaiseh in a zuar tthan. An chungkhar ning in thilfate fir in an i thok i hnu ahcun an kut raltthat cang tikah anmah he dum aa tlai mi an  in pa vawlei zong an fir.

Nulepa an ai kom tuk mi an si caah an dumkhar an phit lo. An hnulei dum ahkhin nule pa nih thih tak mi ttafar hna khua an sa ve. A chimrel ngam mi upa an um lo ti an hngalh tikah mifir hna chungkhar nih cun aa tthan a fawi ttung mi a tluk fawi mi thingkung kha an dumkam ah an vacin. An va cin lio zong ahkhan an erea penga hrawng khi an fir pah.

Khatlei kam ah um mi ttafar hna cu daitein um mi an si i zeihmanh chim lo tein an um. Zeihmanh chim lo tein an um mi kha raltthatnak ah an hman le penga an hei fir nolh pah in thingkung kiah fawi ngai mi zong cu an va cin chap. Ttafar hna cu holhlo tein an um tthiamtthiam. ”fir vialte lak ahhin vawlei fir hi sualnak ngan taktak si.”Zeiruang ti ahcun pe li nga vawlei cu a dam lo mi a lo nain tanglei vawlei pi tiang zohchih ahcun a tlawm mi a si ti lo.

Tthatlo thil tuah mi poahpoah hi tthatlonak lawng a chuah pi. Tulio ah tthat lonak tuah i,tthatlonak chuah ttung lo tiin kan ti mi cu hlanlio ah an rak tuah mi tthatnak tuah ruang ah a rak si tawn.

Nikhat cu an chungkhar nih an tuah mi tthat lo nak an cung ah phan ve cang. Mifir hruaitu an pa si mi cu thi in a luak ruahlo piin a thi. Aluak tikah a luak mi cu a sen mi lawng si loin a nak mi zong aa telchih. Pahnihnak mifir hruaitu an nu cu a thluak tha hri cah ruang ah dawr aa chawhnak ah a thi ve. Tlawmpal rauh ahkhin an fanu cu hri in aa awk i a thi. Chungkhar pathum hna tthat lo ning cu an thih tiah ttihnung in an thi.

Chungkhar nih an taan taak mi thilri pawl cu an chungkhat pawl nih an i phaw. Kan thih tikah zeithil hmanh kan i ken kholoh timi an rak hngal loh. Tthatnak le tthatlonak lawng kan i ken khawh mi si tikha biaknak mit zong in an thei kho loh.

Curuang ah Saya pakhat  nih a tang lei bantuk in ralrin nak bia an kan chimh micu ‘ a dik lo ning thil khon tete i timh bu in thilngei tu a thi,a tang mi nih an i cheu phaw,thilngei tu nih zeihmanh aa ken kho loh,a thih tik zong van ram a kai nak ding cu a har.

Cu ruang ah eidin kong kau ah mah ttuan mi,mah thazang in kan ttuan bang thilttha hi tampi in tuah ko hna u sih tiin a ttial.”

Credit: Tazah Zatana

Laitlang ah mi erea athli tein det hmangmi i ralring uh.

Be the first to comment

Leave a Reply

Your email address will not be published.


*