Kawlram President Thar Thimhlan Cu Myint Swe Nih Rian A Tuan Chung Lai, VP 2 Pu Henry Van Thio Zong Kawlram Presiden Si Nak Lam A Um

President U Thin Khyaw a phuah nakkong kawlram president zung in nizan ah thawng an thanh dih bak ah pituh hluttaw president U Win Myint zong a rian in a din ve. U Thin Kyaw a dinh ruang ah 2008 kum an tuah mi phunghram ning in President thar thim hlan chung cu Vice President (1) U Myint Swe nih a rian ttuan chung lai. U Myin Swe cu Morocco ram ah an tuah mi Crans Montana Forum On Africa and South -South Cooperation a kai i nizan zing ah Rangoon a phan.

Kawlram a tu lio ton mi a biapi biahalnak lak ah pakhat cu cankar lak rianttuan chung ah zeipoah ttuan khawhnak nawl a ngei mi U Myin Swe nihhin zeidah a tuah lai timi kha UNO ah rian ttuan tthing, Rangoon khuasa mi kawlram kong kau a chekhlet tu Richard Horsey nih a chim.

U Myiny Swe zarkhat hmanh tling rih lo mi rian ttuan chung ahhin rampi hi ralkap nih Vice president rian an ttuan mi hi NLD phoih i cheukhat upa pawl hi an thin zong phang kho men ko tiah a chim chap.

U Myint Swe cu pension la cang mi buchohci ralkap hruaitu tthing rak si i, Buchohhmuci Taan Sew he a neihniam ngai mi an si. Ralkap chan lio a biapi tak mi ralkap lei himnak bu ah upa rian a ttuan .Cu lio ah American phaisa lei zung nih 2007 kum ah min tthat lo khumhnak ah an rak khumh bal mi a si. NLD cawlcangh nak hi ralkap cozah nih an duh lo caah American ram khualtlawn khawh nak le,phaisa hluai nak pawl hi an phih khar piak mi nung a si.

Kawl ram presiden thar minung pathum chung ah pakhat thim a si te lai.  Pu Henry Van Thio , Myint Swe le Win Myint chung ah pa khatkhat an thim te men hna lai. Pu Henry Van Thio zong kawlram Presiden si nak lam a um.

Be the first to comment

Leave a Reply

Your email address will not be published.


*