USA Ram Indiana Ah Mi Dang Min In USA A Phan Mi Konghe Pehtlai In Immigration Lawyer He Tonnak An Ngei

Chin Community of Indiana cu, Inidiana ummi Chinmi vialte kan chiatnak, thatnak kongkau ah laireltu dingah, Indiana Kriafabu kip in dirhmi buu asi bantuk in a tulio USCIS lei in cakuat kongkau ah zeitindah kan tawlrel lai tiah felfai tein khua an ttuaktan chuahmah ko. 03/18/18, zanlei ah Khrifabuu kip in hruaitu le upa hna nih Immigration lawyer he zong lung umbia hna halnak caan an kan tuah piak. Cucu a tanglei bantuk in CCI kan president nih hitin an tuahmi kong cu a rak fian ter.

USCIS cakuat le Interview auhmi kong ah Immigration Lawyer Jason Flora le Indy Chin mipi tonnak kan tuah. A ruahnak le hmuh ning a chimmi pawl theih ve a duhmi nan um sual ah…

1. USCIS nih Interview an auhmi hi sio an thlak mi he ai lo, sio rawl eiter khawhmi tlaih an duh hna bia a si.

2. Interview auhmi hi duh le kal khawh, duh lo le kal lo khawh mi a si, cucaah kal a herh nak ka hmu lo. Nan kal ruang ah nan caah a tthathnemnak (benefit) a um ding hlei ka hmu lo. Nan kal lo tu ah sio rawl i ei sual ding in nan luat deuh lai.

3. Na sining nai zumh ko (thil dik lo mi zeihmanh na ngeih lo) ahcun interview i kal zong a poi lem lo, lawyer he kal ahcun a ttha chin chin lai.

4. Interview na kal lo ruang ah citizen na sawknak an in hren/kham piak ahcun USCIS hi court ah taza cuai khawh an si siloah Citizen na sawkmi ngol tak i permanent resident in um peng khawh si ko.

5. USCIS nih ca an inkuat tthan i intervew ah na rat hau an ti ahcun lawyer he kal dibg. Lawyer na hlan tik belte ah na si ning a dihlak (100%) in na chimh lai. Na sining dihlak i na chimh ttung lo ahcun na caan le phaisa lam a paam sawh lai.

5. USCIS nih na sining a dik lo in tuahmi a si ti an in theih ahcun ngaithiam le theihthiam nak timi phun a um lai lo. Upadi ningin dantat si ko lai.

6. Trump president a si hnu in Greencard sawk tik ah finger print lawng si lo in interview zong tuah cang ding in upadi remh a si. Greencard sawk tikah interview a um cang lai ti nak si.
(*Hi kong hi keicu ka thei rih lo)

USCIS nih an kawl mi taktak hi a hmuh khawhmi um len te kho men. Zeitin dah thil sining a kal peng rih lai ti ruah chung awk a har ngai.

Moses T Lian

Be the first to comment

Leave a Reply

Your email address will not be published.


*