Hakha In (miles-12) Motor Ai Lat, Pu Nawl Peng A Nun Nak Aliam

12.2.2017.Hakha In (miles-12) hrawng ahlat nak ah motor Accident in Pu Nawl Peng nih a kan liamtak. Pu Nawl Peng nih Hakha in meng hleihnih hrawng ahlat nak ah motor accident in 11.2.2018  zanlei suimilam  pali hrawng ah a kan liamtak. Pu Nawl Peng hi Hakha peng,Bungzung khua ah a nu pi le a fa le hna he khua a si mi an si. Fanu pakhat le fa pa pathum a ngeih hna.

Aruan cu Hakha Siizungpi ah an chiah i Bungzung lei in an khua mi nih motor pahnih in an rak don hna i nihin 12.2.2018 zanlei suimilam pali le cheu ah a ruak cu Bungzung ah an vui.

Motor alet mi hi Gangaw in Hakha ah thetse a rak zuar mi a si i akir lei ah a tu bantuk in alet hi a si.  Motor a let lio i a cit mi hi motor amawng mi he minung pali an si hna. Motor alet lio ah thinphan tuk ruangah Pu Nawl Peng cu motor cung in azuang i atlak lio ah lung arak ril ve i lungah akhawn sual ruang ah anun nak liam i adang pathum cu an a nungdam hna tiah an mah he a neihniam mi minung hna sin in kan theih.

Pu Nawl Peng te chungkhar global chin post nih nan ngeihchiat nak kan in hrawmpi ve hna.

Be the first to comment

Leave a Reply

Your email address will not be published.


*